一個賺錢方法最基本要有呢幾個條件：
一個賺錢方法最基本要有呢幾個條件：
1. 入市位 🛫
2. 離場位 🛬
3. 時間性 ⏱️
4. 注碼控制 💵
5. 執行力👨💻
前排有朋友話冇時間睇片, 睇文字就返工睇到, 好啦, 見您咁廢, 廢青試下出下長篇廢話分享 "簡單既策略係如何練成的 " 👉👈
*任何工具都岩用*
1. 入市位：
機乎係人都識😑, 無論姨媽姑姐，定係巴士呀叔都會有自己既方法入市，就好像過江龍殺入馬交賭場甘個個都有自己既一套，因為甘大個人點都會有少少自己既“分析力” 去創造一d入市方法出黎， 可以係刨新聞聽名嘴意見？可以係睇圖表悟出真理？可以係憑直覺覺得平就買？anyway，廢青係唔想用腦只跟系統signal做人, 用腦好攰，真係好攰....
2. 離場位：
入場簡單，甘離場呢？
“80%輸錢既朋友都係未掌握到離開賭場既技巧"
離場位 包括左止賺＆止蝕位，大哥，記住係2樣都要有啊，好多朋友都係樂觀寶寶黎，入左市只會向開心個邊諗，姐係諗自己可以贏幾多呀😑, 完全忽略左有輸錢既機會 !
好多廢青朋友PM問：期油好高風險啊 !
廢答：係呀，唔set止蝕既投資風險真係爆高 !!!
其實trade咩product都係，期貨又好，股票又好，唔set止蝕後果真係爽YY，順便一問，股票既最大風險可以輸幾多？答唔到就....諗下自己係咪過份樂觀寶寶啦。
甘期油既風險呢？廢青同學每次會control係5-10點之內(500-1000hkd)。
好多新手都會入左市先諗離場位，姐係9衝左入場先諗自己可以賺幾多，同埋可以承受幾多風險 😑 您知啦，當局者迷呀，一旦入左場，思路開始唔夠清晰，贏幾多？更係愈多愈好啦。輸幾多？邊有人會想入場輸錢嫁。 就係甘後果好多時就係賺更錢唔識走，輸更錢更加 唔 願 意 離場， 阿彌陀佛 。
想賺到應賺既，輸到應該輸既，方法好簡單，就係always Plan before u Go ! 廢青每次分享策略都一定係事前分享，唔係要show off，只係要先Plan好後執行，人係會理性一點，今次日賺3000既策略都係4日前Plan定，之後係apps set到價提示 ,收到email/手機pop up notification 再開機入市 , 完。 操作就係甘簡單 , 攰啦唔好搞甘多花神啦，要 擦幾下花 再轉身射個3分Ball，呢D甘花巧嘢唔係廢青style，都係想日賺3000姐，又唔係日賺3萬，30萬.... 睇幾百個芒，睇幾百樣資訊，又要寫Program，太複雜鳥... 一個普通廢青點會想學😂
3. 時間性：
講起時間性，可能您會諗咩時間入市最好？喂，如果廢青知道，廢青就唔係廢青甘簡單啦，call me 期油大屍 😂😂😂 其實無人知幾時入市係最好，正如無人知幾時個市會升幾時會跌，只有大屍先知💀 緣
其實廢青系統會有Signal既時間係下午3點到零晨3點，基本上日日有Signal，日日有工開🤗
既然日日有工開，甘時間性係咩玩法？ 廢青做trade時會搵最合適自己做trade既時間出手。姐係身為廢青無理由甘勤力嫁嘛，更係搵d心情好，又要hea時間個陣先出手啦，一黎運氣好D (贏係好彩🤑)，二黎耐性都好d(係咪都要hea😪) 甘您呢？ 咩時間係您心情好而又好無聊既呢？🙊
記住，無人知幾時係最好入市時機 (只有大屍知)，廢青們只要知道係自己順境時入市已經好叻叻豬嫁啦😚😚
4. 注碼控制：
又開始廢up一下先，其實日賺3000係期油既世界只係要贏40點子，如果落注2張contract就每張賺20點就夠（2×20點=40點) 落注4張contract就賺10點（4x10點=40點） , 落10張就自己計啦，多謝合作🤝，那，甘您會好自然甘問，新手應該落幾張contract啦 !? 個答案其實好簡單: #愈少愈好 #愈唔影響心情愈好 #愈唔影響生活愈好， 應該好易明姐，甘最少係咪可以試水溫落住1張先？對，甘有無可能賺40點一日？如果跟住廢青On9ineTrain入面教既方法，機會好微😂😂 (倒下更自己米先) 除非您可以熟練3招，都有d機會既😊
甘姐正路係要落2張contract先易D做到？ 嗯
係呢個毛文有另一個新手常犯既問題出現😑😑
“注碼被自己心情控制，輸咗都唔知發生咩事”
姐係有信心時就9衝落2張contract, 無信心時就龜縮落1張contract，唔知點解後果通常都係...落重注時輸係正常，落細注時先好彩地贏 😑😑😑大叫TMD都無人幫到您，因為您選擇由心情控制自己既盈虧，而不是理性控制自己既盈虧。甘要點做 ?? 新手每次平均注碼落場吧🤸
既方便又唔洗用腦，用腦做trade好累嫁，用開1張就1張，2張就2張啦，留翻d精神去執行策略吧 !!
5. 執行力：
執行力咪就係plan左之後執行囉，姐係廢話黎，喂喂，點解甘多新手做唔到嫁？呢點要諗諗，就算您有幾勁既策略，執行唔到姐係唔關您事 😂😂😂😂
不過，有時策略就係人夾人，用唔用到都講緣份。廢青， 唔係掛甘玄既，係，要順利手動執行一個策略，廢青會prefer :
1.Plan左用邊招
2.set定到價提示
3.到價就開機入市
4.入左市就芒住
（每次入市幾分鐘到一小鐘左右）
點解執行策略要緣份？
如果您是但一個step掛住行街睇戲食飯做愛做既運動，您估仲有無緣份呢？
點解要芒住個市？
因為要確保離場時係自己原訂計劃之內。（而唔係不停轉Plan B, Plan C ...) 贏定輸係入市個刻已經決定左，我地係無需改變任何嘢，我地只需要執行自己離場位，輸唔好輸多左，贏唔好贏少左。
睇落去好似好易，其實最難克服既就係心魔：貪心，無紀律，自作聰明... 呢d都會影響到大家既執行力，落過場買股票又好，期貨又好，都應該會明白。（其實廢青係個驅魔人，嘻嘻）
呢家明白點解廢青秒秒鐘講心態係最重要未？ 🙊🙊
訂閱廢青教學: http://bit.ly/立即訂閱最新廢青股票教學
💵 💵 💵 💵 💵 💵 💵 💵
唔好晒時間啦，
廢青我想學做交易呀 !
來 ❗❗
廢青的10年財務自由藍圖 💪❗
🔻🔻🔻
睇下邊個Training 岩你多 D ?